Senmu qalma, uygurum, inqilaptin By: Abdukerim Gheniëw

Senmu qalma, uygurum, inqilaptin

By: Abdukerim Gheniëw

Senmu qalma, uygurum, inqilaptin
Tur uyqangdin, uyghurum, uxlap yatmay,
Bëperwaliq sazigha belche patmay.
Qarisangchu köz ëchip etrapinggha,
Paydisi yoq ish qilip, bosh gep satmay.
Qara, eyne, ejayip zaman keldi,
Oydikini ëytayli, qëni endi.
Qachanghiche chöchiymiz birewlerdin,
Uningsizmu yëtidu xeliq derdi.
Qachanghiche qutulmay kamchiliqtin,
Mes bolimiz bayliqtin, barchiliqtin.
Heqiqetchi janlargha sörun qarap,
Zhürimizmu köyüp ich tarchiliqtin.
Mez bolimiz minsek ger zhügrük taygha,
Yaki tegse aghzimiz göshke, maygha.
Qandaqlarche yaralduq bëghem bolup,
Köp xeliqning yettighu qoli aygha.
Ichtin qaynap uh dësek chiqar yalqun,
Qarshi këler waleykün bir yat dolqun.
Inaqliqtin tul qalghan zhanmu ye – biz,
Shunga mexset-ishimiz mangmas zhoshqun.
Shunga qalduq köp xeliq qataridin,
Shunga dayim ayrilduq etwaridin.
Birligi ching xeliqler el-zhut bolup,
Bexit sazi yangraydu sataridin.
Eyshi-ishretke qiziqip ketkenler zhiq,
Abroy-ataq, shöhretke yetkenler zhik.
Söyer peqet özini, xelkin emes,
Uyghurni hëch hazhetsiz etkenler zhiq.
Shundaq zhanlar, bilip qoy, insan emes,
Ular bilen ëlish tes erkin nepes.
Ular zhiraq-yëqinni hëch körmeydu,
Shundaqlardin, uyghurum, bolghin pexes.
Shina qëqip birlikke yolimizdin,
Yoq dushmenni yasiduq qolimizdin.
Shunga uyghur chëchilip yer-zhahangha.
Bire-tola ayrilghan hulimizdin.
Köch-köch dëse köchimiz yer talghimay,
Orda-makan qurimiz el tallimay.
Tashlawëtip tughulghan ana zhutni,
Duniya qoghlap këtimiz sher talghimay.
Yashalmaymiz bir zhayda guzhmek bolup,
Özge millet-xeliqtek imraq bolup.
Bozek qilar kimlerdu shu seweptin,
Bilmigechke yashashni inaq bolup.
Tur uyqangdin, uyghurum, köter bashni,
Küresh qilmay tökmigin bëkar yashni!
Bizge hazhet tarix, til, medeniyet,
Emgek qilmay zhanangha atma qashni!
Köngül ëytar: bek lazim muxteriyet,
Belki shunda qaynaydu erk-huriyet.
Shu chagdila azade-erkin yashap,
Bexit quchar uyghur dëgen insaniyet.
Dëmek zörür bizge hoquq-imkaniyet,
Moshu yolda, uyghurum, qil heriket.
El-zhuti we tughi bar xeliqlerdin,
Qachqan emes hayatliq we bëriket.
Köter shunga, uyghurum, mesilengni,
Ëyt qazanghan töhpengni-desmiyengni.
Eger yetseng parlaq oy-mexsitingge,
Atap sanga oquymen qesidemni.
Hëch bir teshwish qalmisun zhürigingde,
Men hisdashmen hër dayim tiligingge.
Töküp tashla dildiki sirliringni,
Weten özi küch bersun biligingge.
Ashkariliq pëshidin tutup mekkem,
Endi dadil chamdayli algha her dem.
Ünimizni yetkuzsek zhiraqlargha,
Xudayimdin këler bir ëqil-yardem.
Quwet bersun islahet dewri bizge,
Yol körsetsun chëlishta xelqimizge.
Senmu qalma, uyghurum, inqilaptin,
Küreshliring chogh bersun qelbimizge.
Almuta shehiri,
May, 1986-zhil.